ڈائمنڈ جوبلی جشن آزادی کے حوالے سے کینال روڈ پر سائیکل ریلی کا انعقاد

فیصل آباد(حمزہ اکرم)ڈسٹرکٹ سپورٹس ڈیپارٹمنٹ کے زیر اہتمام ڈائمنڈ جوبلی جشن آزادی تقریبات کے سلسلے میں سائیکل ریلی کاانعقاد کیا گیا۔یہ ریلی ڈی ٹائپ کالونی سے شروع ہوکر گٹ والاسے واپڈا ٹاؤن سے واپس گٹ والا پہنچ کر اختتام پذیر ہوئی۔ریلی میں 30سے زائد سائیکلسٹ نے حصہ لے کر جشن آزادی بھرپور جوش و جزبہ سے منائی۔ریسی سائیکل میں پہلی پوزیشن جمشید،دوسری پوزیشن معظم اور تیسری پوزیشن عبد الرحمن نے حاصل کی جبکہ عام سائیکل میں اکمل بلوچ،محمدفیضان،عبداللہ،امیر حمزہ،کاشف امین نے پوزیشنز حاصل کی۔ڈسٹرکٹ سپورٹس آفیسر ساجدہ لطیف نے پوزیشنز ہولڈرز کھلاڑیوں میں ٹرافیاں تقسیم کیں۔حاجی محمد رفیع،محمد ثناء اللہ جنرل سیکرٹری ڈسٹرکٹ سائیکلنگ ایسوسی ایشن،سجادعلی فنانس سیکرٹری،اکبر علی بھولاگجر،قاسم علی ڈسٹرکٹ کوچ،محمد امین کے علاوہ دیگر سائیکلنگ عہدیدران بھی موجود تھے۔