شہریوں کو پارکنگ کی معیاری سروسز فراہم کرنے کیلئے اقدامات جارہی ہیں۔ ایم ڈی پارکنگ کمپنی

فیصل آباد(حمزہ اکرم) ایڈیشنل ڈپٹی کمشنرہیڈ کوارٹرز/ایم ڈی پارکنگ کمپنی کاشف رضا اعوان نے کہاہے کہ شہریوں کو پارکنگ کی معیاری سروسزفراہم کرنے کے لئے ان کی توقعات سے بڑھ کر اقدامات جاری ہیں جس کا تسلسل برقرار رکھنے کے لئے پارکنگ سٹاف کی ذمہ داریاں انتہائی توجہ کی متقاضی ہیں جنہیں بنیادی ضروری سامان کی فراہمی کو بھی یقینی بنایا جارہا ہے۔انہوں نے یہ بات پارکنگ کمپنی کے سٹاف میں کیپس ودیگر سامان تقسیم کرتے ہوئے کہی۔پارکنگ کمپنی کے فیلڈ سٹاف میں ایمپلائز کارڈ،کیپس،پانی کی بوتلیں ودیگر سامان تقسیم کرتے ہوئے کہی۔ایڈیشنل ڈپٹی کمشنر ہیڈ کوارٹرز نے کہا کہ پارکنگ کمپنی کی سروسز میں اضافہ کے ساتھ ورکرز کی فلاح وبہبود بھی ترجیح ہے اور اسی مقصد کے لئے ان میں سامان کی تقسیم کا عمل جاری ہے۔انہوں نے ورکرز سے کہا کہ وہ دلجمعی اور محنت ولگن سے ڈیوٹی انجام دیتے رہیں،اچھی کارکردگی کے حامل پارکنگ انسپکٹرز،سپروائزرز اور فیلڈ سٹاف کو موٹر سائیکل ویونیفارم بھی دیں گے۔