سی ٹی او مقصود احمد لون کا احسن اقدام،انجینئرنگ ڈیپارٹمنٹ کا مشترکہ ورکنگ گروپ بنا دیا

فیصل آباد(ڈسٹرکٹ رپورٹر )حادثات کی روک تھام اور شہریوں کو ٹریفک کا بلارکاوٹ بہاؤ فراہم کیلئے سٹی ٹریفک پولیس، سیکرٹری ریجنل ٹرانسپورٹ اتھارٹی، نیشنل ہائی وے اتھارٹی، پٹرولنگ پولیس، ریسکیو 1122، میٹرو پولیٹن کارپوریشن، موٹروے پولیس، محکمہ ماحولیات، روڈ انجینئرنگ ڈیپارٹمنٹ کا مشترکہ ورکنگ گروپ بنا دیا گیا ہے۔ جس کی پہلی میٹنگ سی ٹی او آفس میں ہوئی اور تمام اداروں نے مشترکہ لائحہ عمل طے کرتے ہوئے ماہانہ بنیادوں پر روڈ حادثات میں کمی لانے کیلئے سٹرکوں پر ناجائزتجاوزات کا خاتمہ کرنے، پارکنگ کے نظام کو بہتر کرنے، پبلک ٹرانسپورٹ کی فٹنس کو بہتر کرنے، ہائی ویز پر تیز رفتاری اور اوورلوڈنگ روکنے،دھواں چھوڑنے والی گاڑیوں کو روڈ پر آنے سے روکنے کیلئے، شہر بھر کی سڑکوں پر لین لائن اور زیبرا کراسنگ لگوانے، ٹوٹ پھوٹ کا شکار سڑکوں کی بروقت ریپئرنگ ، سٹریٹ لائٹس و ٹریفک سگنل کی مینٹیننس اور ٹریفک کی روانی کو مزید بہتر کرنے کیلئے اقدامات کرنے پر اتفاق کیا گیا۔ سی ٹی او کی طرف سے تمام اداروں کو اپنی اپنی زمہ داریوں کا تعین کرتے ہوئے کارکردگی رپورٹ ماہانہ بنیاد پر شیئر کرنے اور باہمی تعاون سے شہریوں کو آسانیاں فراہم کرنے کا اعادہ کیا گیا۔اس سلسلہ میں سی ٹی او اور سی او کارپوریشن نے فیصل آباد کے تجارتی مرکز گھنٹہ گھر کے گرد بازاروں کے تاجر حضرات اور لوڈر ٹرانسپورٹ یونین کو بھی گزشتہ روز اعتماد میں لیتے ہوئے تعاون کرنے اور شہر کی بہتری کیلئے ساتھ ملکر چلنے کیلے گھنٹہ گھر چوک میں میٹنگ کا انعقاد کیا تھا۔ جس میں تاجر برادری کیطرف سے دی گئ تجاویز کو بھی مشترکہ ورکنگ گروپ کے ایجنڈا میں شامل کیا گیا ھے۔