واسا نے آج 28 جنوری سے فیصل آباد میں ماہ صفائی کا آغاز کردیا

فیصل آبادپنجاب حکومت کے احکامات اور مینجنگ ڈائریکٹر جبار انور کی ہدایت پر واسا آج 28 جنوری سے ماہ صفائی کا آغاز کرے گا جس کے لئے پلان تشکیل دیدیا گیا ہے۔پنجاب حکومت کی جانب سے جاری کئے گئے حکمنامے کے مطابق فیصل آباد سمیت صوبہ بھر میں ماہ صفائی منایا جائے گا جو 28 جنوری سے شروع ہو گا جس کے لئے تمام متعلقہ محکموں کو باضابطہ طور پر ہدایات جاری کردی گئی ہیں۔مینجنگ ڈائریکٹر واسا کی جانب سے آپریشنز ڈائریکٹوریٹس کو ماہ صفائی کے دوران خصوصی مہم شروع کرنے کی ہدایت کی گئی ہے جس کے تحت شہر کی تمام سیوریج لائنوں،ڈرینج کی مکمل ڈی سلٹنگ اور شہر بھر میں بغیر ڈھکن مین ہولز کو کور کیا جائے گااس حوالے سے متعلقہ افسران و فیلڈ سٹاف کو مرتب کردہ پلان پر مکمل عمل درآمد کرنے کی ہدایت کی گئی ہے جس کی روزانہ کی بنیاد پر رپورٹ ارسال کرنا لازمی قرار دیا گیا ہے۔