حکومت عوام کی خدمت کیلئے اپنی تمام تر صلاحیتیں بروئے کارلارہی ہے_چیئرمین مارکیٹ کمیٹی چوہدری ابرار رشید

فیصل آباد(حمزہ اکرم)چیئرمین مارکیٹ کمیٹی چوہدری ابرار رشید ڈھلوں نے کہاہے کہ حکومتی اقدامات سے پاکستان کا بین الاقوامی سطح پر امیج بہتر ہوا ہے،حکومت عوام کی خدمت کیلئے اپنی تمام تر صلاحیتیں بروئے کارلارہی ہے۔اپنے ملک اور آنے والی نسلوں کیلئے آسانیاں پیدا کرنا ہمارا مشن ہے۔انہوں نے کہا کہ وزیر اعظم پاکستان عمران خان ملک کو قرضوں کے دلدل سے نکال کر باوقار مقام دلوانے کے لئے اقدامات کررہے ہیں۔انہوں نے کہاکہ پاکستان تحریک انصاف کی حکومت عوام کو مایوس نہیں کرے گی اور ملک کو حقیقی معنوں میں قائد اور اقبال کا پاکستان بنا کر دم لے گی۔انہوں نے کہا کہ وہ قومیں ترقی کرتی جو میرٹ پر یقین رکھتی اور قانون کی بالادستی کو تسلیم کرتی ہیں،پی ٹی آئی کی حکومت کا منشور کرپشن اور بدعنوانی سے پاک معاشرے کی تشکیل ہے۔انہوں نے مزید کہاکہ حکومت درست سمت چل رہی ہے مگر ابھی بھی کئی چیلنجز موجود ہیں جن کو جلد سے جلد حل کر کے عوام کو مزید ریلیف فراہم کیا جائیگا۔