اینٹی کرپشن اسٹیبلشمنٹ فیصل آباد کے اسسٹنٹ ڈائریکٹر زاہد مسعود نظامی ریٹائر ہوگئے

فیصل آباد (نمائندہ ایف ٹی وی) اینٹی کرپشن اسٹیبلشمنٹ کے اسسٹنٹ ڈائریکٹرزاہد مسعود نظامی اپنی مدت ملازمت مکمل ہونے پر ریٹائر ہوگئے جن کے لئے الوداعی تقریب منعقد ہوئی جس کی صدارت ڈائریکٹر اینٹی کرپشن واحد ارجمند نے کی۔اینٹی کرپشن کے افسران اور سٹاف ممبران بھی موجود تھے۔ڈائریکٹر اینٹی کرپشن نے زاہد مسعود نظامی کو کامیابی سے مدت ملازمت مکمل کرنے پر مبارکباددی اور ان کی آئندہ زندگی کے لئے نیک تمناؤں کا اظہار کیا۔انہوں نے کہا کہ محنت،لگن اور دیانتداری سے کام کرکے اس محکمہ کے وقار کی بلندی کے لئے دن رات کوشاں رہنا چاہیے۔ریٹائر ہونے والے اسسٹنٹ ڈائریکٹر نے اپنے خیالات کا اظہار کرتے ہوئے تمام افسران و اہلکاروں کا شکریہ ادا کیا کہ انہوں نے ان کے اعزاز میں پروقار تقریب منعقد کی اور ان لمحات کو یادگار بنا دیاہے۔انہوں نے مزید کہا کہ اپنی زندگی کا حسین دور محکمہ کی خدمت میں گزارا اور انہیں ہمیشہ احباب کا تعاون رہاہے۔تقریب میں ریٹائر ہونے والے آفیسر کو گلدستے اور قرآن پاک کے تحائف پیش کئے گئے۔