گورنمنٹ گریجوئیٹ کالج جڑانوالہ روڈ کی جشن آزادی مقابلوں میں پہلی پوزیشن

فیصل آباد(حمزہ اکرم)گورنمنٹ میونسپل گریجوایٹ کالج جڑانوالہ روڈ نے جشن آزادی کے حوالے سے ہم نصابی سرگرمیوں میں پہلی پوزیشن حاصل کی ہے۔پرنسپل محمد اقبال اور ڈائریکٹر سٹوڈنٹس آفیئرز پروفیسرخالد حسن کی سرپرستی میں فیصل آباد کے بوائز کالجز کے مابین گورنمنٹ گریجوایٹ کالج سمن آباد میں پرنسپل ڈاکٹر محمد عالم کی زیر نگرانی انگلش تقریری مقابلہ میں شعبہ انگریزی میونسپل گریجوایٹ کالج جڑانوالہ روڈکے طالب علم اسامہ شاہ رسول نے پہلی جبکہ شعبہ کیمسٹری کے محمد طلحہ مصطفی نے کوئز مقابلہ کا میدان مارلیا۔اسی طرح فوٹو گرافی کے مقابلہ میں رائے علی مرتضی نے پہلی اور محمد ابرار نے تقاریر میں فرسٹ پوزیشن حاصل کی۔پینٹنگز مقابلہ میں محمد طلحہ اول قرار پائے۔پرنسپل ادارہ نے نمایاں پوزیشن پر اساتذ¦ اور طالب علموں کو مبارکباد اور باالخصوص ڈائریکٹر سٹوڈنٹس آفیئرز کی کاوشوں کو سراہا۔