مشنرسلوت سعید کی صدارت میں ڈسٹرکٹ ہیڈ کوارٹرز ہسپتال میں قائم لیور فاؤنڈیشن اور کارڈیک کیئر یونٹ کے امور سے متعلق قائم کمیٹی کا دوسرا اجلاس

فیصل آباد(ڈسٹرکٹ رپورٹر)کمشنرسلوت سعید کی صدارت میں ڈسٹرکٹ ہیڈ کوارٹرز ہسپتال میں قائم لیور فاؤنڈیشن اور کارڈیک کیئر یونٹ کے امور کے حوالے سے قائم کمیٹی کا دوسرا اجلاس منعقد ہوا۔کمیٹی کے ممبران ایڈیشنل سیکرٹری ہیلتھ،ڈپٹی کمشنر فیصل آباد علی عنان قمر،وائس چانسلر فیصل آباد میڈیکل یونیورسٹی پروفیسر ڈاکٹر ظفر علی چوہدری کے علاوہ انچارج لیور سنٹر ڈاکٹرزاہد یاسین ہاشمی،انچارج سی سی یو ڈاکٹر جاوید اقبال،بورڈ آف مینجمنٹ کے ارکان میاں لطیف اور میاں اشفاق نے بھی شرکت کی۔وائس چانسلرنے ڈی ایچ کیو ہسپتال میں واقع لیور فاؤنڈیشن اور کارڈیک کیئر یونٹ اور پرائیویٹ انتظامات کے تحت انہیں چلانے کے امور پر بریفنگ دی۔بورڈ آف مینجمنٹ کے ارکان نے سنٹرز کے قیام کی تفصیلات سے آگاہ کیا۔کمشنر نے کہا کہ نگران وزیر اعلی پنجاب کی ہدایات پر ٹی او آرز کو مدنظر رکھ کر دونوں ہیلتھ سنٹرز میں طبی سہولیات کا تفصیلی تجزیہ کیا جارہا ہے۔کمشنر نے دونوں سنٹرز کے انچارجز کو آئندہ اجلاس میں ٹی او آرز کے مطابق طبی سہولیات کی فراہمی اور مریضوں کو فراہم کی جانے والی سروسز کے بارے میں پریزنٹیشن دیں۔کمشنرنے سپیشل سیکرٹری کوہیلتھ کیئر کمشن اور پروفیسر پر مشتمل دو کوآپٹ ممبران کمیٹی میں شامل کرنے کی تجویز دی۔انہوں نے کہا کہ Minimum Service Delivery کے لئے ہیلتھ کیئر کمشن کے پیرامیٹرز پورے ہونا بھی لازمی ہیں۔تمام تر امور کا جائزہ اور موقع کا وزٹ کرکے آئندہ کا لائحہ عمل اس طریقہ سے طے کرنا ہے کہ مریضوں کو معیاری سروسز کی فراہمی کا عمل جاری رہے۔انہوں نے کہا کہ ٹرسٹیز کی خدمات سے آئندہ بھی استفادہ کرنا ہے،سماجی ذمہ داریوں کو دائرہ اختیار میں رہ کر پورا کرنے کے لئے کوششیں جاری رہنی چاہیں۔انہوں نے کہا کہ بطور ٹیچنگ ہسپتال نئے ڈاکٹرز وزیرتربیت ڈاکٹرز کو سنٹرز کے وزٹ اور طبی امور سیکھنے کے وسیع مواقع ملنے چاہیں۔کمشنر نے بورڈ آف ٹرسٹی کے ارکان کی خدمات کو بھی سراہا۔