بغیر ضرورت کے تحت گھروں سے بالکل باہر نہ نکلا جائے،ماسک کا استعمال یقینی بنائیں. ڈپٹی کمشنر فیصل آباد

فیصل آباد (نمائندہ ایف ٹی وی) ڈپٹی کمشنر محمد علی نے کوروناایس اوپیز پر عملدرآمد کو چیک کرنے کے لئے جنرل بس سٹینڈ،چناب کلب چوک اور دیگر عوامی مقامات کا دورہ کیا اور مختلف شہروں کو روانہ ہونے والی بسوں کے اندر اور شاہرات پر فیس ماسک پہننے بغیر سفر کرنے والے افراد کو کورونا وائرس کے خدشات سے بچنے کے لئے ماسک کے استعمال کی تاکید کی جبکہ آئندہ احتیاطی تدابیر پر عمل پیرا ہونے کی ہدایت کی اور سزا کے طور پربعض افراد کو شاہرات پر کچھ دیر کھڑا بھی رکھا۔ اسسٹنٹ کمشنرز عمر مقبول اور سید ایوب بخاری بھی موجود تھے۔ڈپٹی کمشنر نے چناب کلب چوک،یادگار شہداء چوک اور دیگر مقامات پربھی سفر کرنیوالوں کو رکواکر حکومتی پابندی پر عملدرآمد کی سخت تاکید کی۔انہوں نے شہریوں سے کہا کہ وہ کورونا وائرس کے ممکنہ شدیدخدشات کے باعث عائد کردہ پابندیوں پر عملدرآمد کو یقینی بنائیں۔انہوں نے کہا کہ بغیر ضرورت کے تحت گھروں سے بالکل باہر نہ نکلا جائے تاکہ صحت کا تحفظ یقینی ہو۔ڈپٹی کمشنر نے کہا کہ ضلعی انتظامیہ شہریوں کو کورونا وائرس سے بچاؤ کے لئے احتیاطی وانسدادی اقدامات پر عمل پیرا ہے تاہم سماجی تعاون انتہائی ضروری ہے تاکہ وائرس سے محفوظ رہا جاسکے.