عمران خان کی رہائی پر خوشی منانے والے پولیس اہلکار کو ملازمت سے برخاست کردیا گیا

فیصل آباد ( ڈسٹرکٹ رپورٹر ) سیاسی رہنما کی رہائی پر خوشیاں منانے کی ویڈیو وائرل ہونے کا معاملہ ،سی پی او نے انکوائری کے بعد زیر تربیت کانسٹیبل کو ملازمت سے برخاست کر دیا،تفصیلات کے مطابق چند روز قبل سیاسی رہنما کی رہائی پر پولیس والوں کی طرف سے خوشیاں منانے کی ویڈیو وائرل ہوئی،جس کا سٹی پولیس آفیسر ڈی آئی جی عثمان اکرم گوندل نے سخت نوٹس لیتے ہوئے باقاعدہ محکمانہ انکوائری کا حکم دیا جس میں ایک۔زیر تربیت کانسٹیبل ڈسپلن کے برعکس سرگرمیوں میں ملوث پایا گیا جس کی بنا پر سی پی او عثمان اکرم گوندل نےزیر تربیت کانسٹیبل محمد فیضان کو ملازمت سے برخاست کر دیا،سی پی او کا کہنا تھا کہ پولیس ایک ڈسپلنڈ فورس ہے جس کا ہر اہلکار ہر قسم کی سیاسی وابستگی سے بالاتر ہوتا ہے،وردی پہن کر سیاسی وابستگی کا کسی بھی انداز میں اظہار ناقابل برداشت ہے،جس کی سزا ملازمت سے برخاست گی ہی ہے