ڈپٹی کمشنر نے جھنگ روڈ کا دورہ کرکے صفائی کا تفصیلی جائزہ لیا

فیصل آباد(محمد حمزہ)ڈپٹی کمشنر علی عنان قمر نے جھنگ روڈ کا تفصیلی دورہ کیا اور مختلف مقامات پر صفائی کی مجموعی صورتحال کا تفصیلی جائزہ لیا۔سی ای او ویسٹ مینجمنٹ کمپنی بلال فیروز جوئیہ نے صفائی آپریشن پر بریفنگ دی۔ڈپٹی کمشنر نے بعض مقامات پر گندگی کے ڈھیروں کو فوری ہٹانے اور جگہ صاف ستھری بنانے کا حکم دیا اور کہا کہ شہر میں سرگرمیاں شروع ہونے سے پہلے صفائی کا بہترین ماحول نظر آنا چاہیے۔انہوں نے ویسٹ ورکرز کی حاضری کی کڑی چیکنگ کی ہدایت کی اور کہا کہ سٹرک کناروں کو بھی صاف ستھرا بنائیں۔ڈپٹی کمشنر نے واضح کیا کہ صفائی مہم کی مسلسل مانیٹرنگ جاری رہے گی۔ڈپٹی کمشنر نے ماڈل بازار جھنگ روڈ کا مسلسل تیسرے روز بھی دورہ کیا اور آٹا کے سیل/ٹرکنگ پوائنٹ پر فروخت کے عمل کی نگرانی کی۔انہوں نے آٹا کے خریداروں کو تیزرفتارفروخت کے عمل کا جائزہ لیااور حکم دیا کہ منظم انداز میں شفاف فروخت کے ساتھ صارفین کو قطار کی زحمت سے بھی بچائیں۔ ڈپٹی کمشنرنے ماڈل بازار کا دورہ بھی کیا اوراشیاء کی دستیابی،معیار وقیمتوں کا جائزہ لیا۔انہوں نے موقع پر موجودصارفین سے مقررہ ریٹ کے مطابق اشیاء کی فروخت کے بارے میں دریافت کیا اورپھلوں وسبزیوں کے نرخنامے چیک کئے۔انہوں نے ماڈل بازار میں صفائی کا معیار بھی دیکھااور کہا کہ صارفین کو کنٹرول نرخوں پر اشیائے ضروریہ کی دستیابی میں کوئی تعطل نہیں آنا چاہیے۔ڈپٹی کمشنر نے پرتاب نگر جھنگ روڈ پر ایم سی ہائی سکول کا بھی دورہ کیا اور سکول کے مختلف حصے دیکھے۔انہوں نے اعلی انتظامی وتدریسی نظم ونسق کوبرقرار رکھنے کی تلقین کی۔