فیصل آباد(30مئی 2023ء)ڈپٹی کمشنر علی عنان قمر نے سٹی ٹرانسپورٹ ٹرمینل کا اچانک دورہ کیا اورمسافر بس سٹینڈ میں صفائی ستھرائی کی صورتحال چیک کی۔انہوں نے ہوٹلز ودکانوں اور سٹالز پر اشیائے ضروریہ کے معیار اور نرخناموں کی موجودگی کا بھی جائزہ لیا۔انہوں نے مسافر ویٹنگ ایریا کی تزئین وآرائش و لائٹنگ چیک کی اور مسافروں کو فراہم کی جانے والی سہولیات کو مزید بہتر بنانے کا حکم دیا۔انہوں نے پبلک ٹائلٹس کی صفائی کا معیار بھی دیکھااور کہا کہ مسافروں کو آرام دہ سفری سہولیات یقینی بنائی جائیں جبکہ اوورچارجنگ یا اوورلوڈنگ کرنے والی گاڑیوں کے ڈرائیورز کے خلاف ایکشن لیں۔انہوں نے ویٹنگ ایریاکی اپ گریڈیشن کو بھی چیک کیا۔سیکرٹری آرٹی اے عبدالجبار اورانچارج سٹی ٹرمینل عاصم الیاس نے سٹینڈ کے جملہ انتظامات پر مفصل بریفنگ دی۔
