لطیف نذر نے ماڈل چلڈرن ہوم کمپلیکس میں بچوں کے ہمراہ جشن آزادی کا کیک کاٹا

فیصل آباد(حمزہ اکرم)صوبائی وزیرمعدنیات چوہدری لطیف نذر نے ماڈل چلڈرن ہوم سوشل ویلفیئر کمپلیکس میں مقیم بچوں کے ہمراہ جشن آزادی کیک کاٹا۔ اسسٹنٹ کمشنر سٹی صاحبزادہ محمد یوسف،انچارج لبنی اشفاق،محمد اشفاق کے علاوہ انسٹرکٹرز اور بچے بھی موجود تھے۔صوبائی وزیر معدنیات نے بچوں کو جشن آزادی کی مبارکباد دی اور ان سے گہری شفقت کا اظہار کیا۔انہوں نے کہا کہ جشن آزادی کی تقریبات میں تمام طبقات شریک ہیں جو وطن سے گہری محبت کا ثبوت ہے۔انچارج ادارہ نے بتایا کہ جشن آزادی ایونٹس میں بچے بھی جذبہ سے شریک ہوئے۔انہوں نے مقیم بے سہارا بچوں کی فلاح وبہبود اور تعلیم وتربیت کے لئے کئے جانے والے اقدامات سے بھی آگاہ کیا۔