فیصل آباد(ڈسٹرکٹ رپورٹر)ایڈیشنل ڈسٹرکٹ اینڈ سیشن جج محمد طارق ایوب اور جوڈیشل مجسٹریٹ ساجد بلال نے سینٹرل جیل کا دورہ کے انتظامی امور کا جائزہ لیا۔انہوں نے اندرون جیل ہسپتال،کچن اسیران،بیرکس وسیلز کا دورہ کرکے اسیران کو فراہم کی جانے والی سروسز کا جائزہ لیا۔انہوں نے معمولی جرائم میں ملوث 6 اسیران کو ذاتی مچلکوں پر رہا کرنے کا حکم دیا۔انہوں نے اسیران سے مسائل بھی دریافت کئے۔ایڈیشنل سپرنٹنڈنٹ محمد اکرم گجر اور ڈپٹی سپرنٹنڈنٹ ملک عطاء الرحمن نے جیل کے انتظامی وحفاظتی امور اور اسیران کے لئے دستیاب سہولیات بارے بریفنگ دی۔
