فیصل آباد (نمائندہ ایف ٹی وی) گورنمنٹ کالج ویمن یونیورسٹی میں بھارتی ظلم و بربریت کے خلاف یوم سیاہ مناکر مقبوضہ کشمیر پر ناجائز قبضے کا احتجاج ریکارڈ کروایا گیا۔ ڈاکٹر ظل ہما نازلی کوارڈنیٹر سائنس اینڈ ٹیکنالوجی کے زیر قیادت کشمیریوں سے یکجہتی کے طور پر آگاہی واک بھی نکالی گئی جس میں فیکلٹی و طالبات کی بڑی تعداد نے شرکت کی۔واک کے اختتام پر ڈاکٹر ظل ہما نازلی کوارڈنیٹر سائنس اینڈ ٹیکنالوجی نے کہا کہ ہم مقبوضہ کشمیر پر بھارتی ظلم و بربریت کی سخت مذمت کرتے ہیں اور اس مشکل گھڑی میں کشمیری بہن بھائیوں کے ساتھ ہیں اور کہا کہ کشمیری بہن بھائیوں کا خون رائیگاں نہیں جائے گا وہ دن دور نہیں جب کشمیری مکمل آزادی کے ساتھ اپنی زندگی گزاریں گے انہوں نے مزید کہا کہ ہم اقوام عالم سے مطالبہ کرتے ہیں کہ وہ کشمیر میں بھارتی ظلم و ستم کے خلاف ایکشن لیں اور بھارت کو ان کے انسانیت سوز سلوک کے خلاف متنبہ کریں۔واک میں ڈائریکٹر سٹوڈنٹ اٖفیرز اسماء عزیزسمیت تمام شعبہ جات سے فیکلٹی و طالبات کی بڑی تعداد نے شرکت کی۔
