فیصل آباد کے متعدد علاقوں میں اسمارٹ لاک ڈاؤن نافذ کردیا گیا

فیصل آباد( نمائندہ ایف ٹی وی) فیصل آباد کے متعدد علاقوں میں اسمارٹ لاک ڈاؤن نافذ کردیا گیا۔ کورونا وائرس کے بڑھتے کیسز کی وجہ سے مختلف علاقوں میں سمارٹ لاک ڈاؤن لگا دیا گیا ہے۔ اس حوالے سے جاری کردہ نوٹیفکیشن کے مطابق متاثرہ علاقوں میں اسمارٹ لاک ڈاؤن 4 سے 17 مئی تک نافذ رہے گا۔ اس میں کہا گیا کہ فیصل آباد میں ایڈن ویلی، ایڈن گارڈن، مسلم ٹاؤن نمبر 1،2،3، جناح کالونی، خیابان کالونی نمبر 1،2،3، میں اسمارٹ لاک ڈاؤن لگادیا گیا ہے۔ فیصل آباد میں سعید کالونی 1،2، پیپلز کالونی1،2، آفیسرز کالونی 1،2، عبداللّٰہ گارڈن، مدینہ ٹاؤن اور امین ٹاؤن میں بھی اسمارٹ لاک ڈاؤن نافذ کردیا گیا۔ سیکریٹری صحت سارہ اسلم کا کہنا ہے کہ لاک ڈاؤن والے علاقوں میں شاپنگ مالز، ریسٹورانٹ، دفاتر بند رہیں گے۔