ڈپٹی کمشنر کا دورہ جڑانوالہ میونسپل کمیٹی کی خریدی گئی نئی مشینری کا افتتاح کیا

فیصل آباد(14 جولائی 2023ء)ڈپٹی کمشنر علی عنان قمرنے جڑانوالہ کا دورہ کیا اورپارکس کا وزٹ کرکے خوبصورتی کے اقدامات کا جائزہ لیا۔انہوں نے پارکوں کو جاذب نظر بنانے اور سیروتفریح کے لئے آنے والوں کے لئے بہترین اور خوشگوار ماحول قائم رکھنے کا حکم دیا۔انہوں نے میونسپل کمیٹی آفس کا دورہ بھی کیا اور نئی خریدی گئی مشینری کا افتتاح کرکے مشینری کو چیک کیا۔انہوں نے کہا کہ مشینری کی دستیابی سے شہر کی صفائی اور سیوریج مسائل حل ہونگے۔انہوں نے میونسپل کمیٹی کو شہر میں صفائی کا معیار بہتر بنانے کی ہدایت کی۔ڈپٹی کمشنر نے محرم روٹس کا بھی وزٹ کیا اور روٹس پر انتظامات کی ہدایات کی۔انہوں نے شہر بھر کا بھی دورہ کیا اورتجاوزات کے خلاف ایکشن کا حکم دیا۔انہوں نے جڑانوالہ کے زیرتعمیر روڈ کا بھی دورہ کیاجبکہ مرکزی چوک کی بیوٹیفیکیشن کے اقدامات چیک کئے۔