شہر بھر کی اہم شاہراہوں پر تزئین وآرائش کا کام جاری 

فیصل آباد(ڈسٹرکٹ رپورٹر)ڈپٹی کمشنر علی عنان قمر نے فیصل آباد ویسٹ مینجمنٹ کمپنی،پی ایچ اے،میونسپل کارپوریشن اور دیگر محکموں کے افسران کے ہمراہ کیپٹن اسفند شہید چوک الائیڈ موڑ سے اکبرآبادچوک جیل روڈ پر سڑک کا دورہ کیا۔ڈپٹی کمشنر نے سڑک پر صفائی،سٹریٹ لائٹس فنکشنل،ڈیوائیڈرز کی درستگی،سینٹر میڈینز کے اردگرد رنگ روغن،گرین بیلٹس کی تزئین وآرائش کا جائزہ لیا۔انہوں نے بتایا کہ شہر کو کلین اینڈ گرین بنانے پر خصوصی توجہ مرکوز ہے اس ضمن میں مرحلہ وار ایک روڈ کا پلان بناکر اس پر کلیئر کرایا جارہا ہے۔انہوں نے بتایا کہ شہر بھر میں شجرکاری مہم پر بھی وسیع انداز میں عملدرآمد جاری ہے۔انہوں نے تمام متعلقہ محکموں سے کہا کہ وہ اپنے ذمہ ٹاسک کو یقینی بنانے کے لئے متحرک رہیں تاکہ شہریوں کو صاف ستھرا اور خوشگوار ماحول نظر آئے