غریب ومستحق افراد کو ریلیف اور امداد کی فراہمی موثر بنائی جائے۔ چیئرمین ضلعی زکوۃ کمیٹی

فیصل آباد(حمزہ اکرم)چیئرمین ضلعی زکوۃ کمیٹی رانا جاوید اشرف نے حلقہ پی پی 111 کی مقامی زکوۃ کمیٹیز کے چیئرمین حضرات سے ملاقات کی۔اس موقع پر مستحقین کے لئے حکومتی پالیسیوں پر عملدرآمد کے حوالے سے تفصیلی تبادلہ خیال کیا گیا۔چیئرمین ضلعی زکوۃ کمیٹی نے اس عزم کا اظہار کیا کہ وزیراعظم عمران خان کے ویژن کے مطابق غریب ومستحق افراد کو ریلیف اور امداد کی فراہمی کے لئے جاری کوششوں میں کمی نہیں آنے دی جائے گی۔انہوں نے کہا کہ زکوۃ فنڈز کو شفاف انداز میں بروئے کار لاکر نادار افراد کی امداد کو یقینی بنانا ہمیشہ سے ترجیح ہے۔اس موقع پر مقامی زکوۃ کمیٹی کے چیئرمین نے بھی اپنی سطح پر مستحقین کی امداد وبحالی کا عمل جاری رکھنے کے عزم کا اعادہ کیا۔