سپرنٹنڈنٹ مٹرنل ڈاکٹر یونس ایاز ریٹائر ہوگئے

فیصل آباد (حمزہ اکرم) میڈیکل سپرنٹنڈنٹ مٹرنل نیو بورن اینڈ چائلڈ ہیلتھ ہسپتال ڈاکٹر یونس ایاز مدت ملازمت مکمل ہونے پر ریٹائر ہوگئے۔ان کے اعزاز میں ہسپتال انتظامیہ کی طرف سے تقریب منعقد ہوئی جس میں نئی تعینات ہونے والی ایم ایس ڈاکٹر راحیلہ کو خوش آمدید کہا گیا۔ڈاکٹر راحت رشید،ڈاکٹر ثمر امین ودیگر ڈاکٹرز اور سٹاف ممبران نے شرکت کی۔ڈاکٹر یونس نے اعزاز میں تقریب کے انعقاد پر شکریہ اداکیا اور کہا کہ بطور میڈیکل سپرنٹنڈنٹ ہسپتال کی کارکردگی میں اضافہ اور مزدوروں کی فیملیز کو علاج معالجہ کی بہترین سہولیات کی فراہمی کے لئے حتی المقدور کوشش کیں۔انہوں نے بھرپور معاونت پر ڈاکٹرز وسٹاف کا شکریہ اداکیا۔میڈیکل سپرنٹنڈنٹ ڈاکٹر راحیلہ نے ملازمت سے سبکدوش ہونے والے ایم ایس کی پیشہ وارانہ صلاحیتوں کی تعریف کی اور کہا کہ وہ ان کے تجربات سے فائدہ اٹھا کر ہسپتال کی کارکردگی میں مزید اضافہ کے لئے کوئی دقیقہ فروگزاشت نہیں کریں گی۔