فیصل آباد وائٹ گرلز کراٹے ٹیم نے ٹرافی اپنے نام کرلی

فیصل آباد (حمزہ اکرم) ڈسٹرکٹ سپورٹس ڈیپارٹمنٹ کے زیر اہتمام ڈائمنڈ جوبلی 75ویں جشن آزادی پاکستان کے سلسلہ میں سمن آباد سپورٹس کمپلیکس میں گرلز کراٹے میچ کرایا گیا۔فیصل آباد وائٹ اور فیصل آباد بلیو کی ٹیموں کے درمیان کھیلا گیا یہ میچ فیصل آباد وائٹ گرلز کراٹے ٹیم نے فیصل آباد بلیو گرلز کراٹے ٹیم کو ہرا کر وننگ ٹرافی اپنے نام کی۔ مہمان خصوصی ڈسٹرکٹ سپورٹس آفیسر ساجدہ لطیف نے فیصل آباد وائٹ گرلز کو وننگ ٹرافی دی اور فیصل آباد بلیو گرلز کراٹے نے رنر اپ ٹرافی وصول کی۔میچ آرگنائزر انٹرنیشنل پلئیر ماجد بٹ،ڈسٹرکٹ صدر مرزا خرم شہزاداور سیکرٹری جنرل کراٹے ایسوسی ایشن یاسر عرفات بٹ بھی موجود تھے۔