فیصل آباد(نمائندہ ایف ٹی وی) پنجاب بوائزاسکاؤٹس ایسوسی ایشن کے زیرِاہتمام پبلک سکولز کے بوائز اسکاؤٹس کی ٹریفک کنٹرول آگاہی کے لئے عملی سرگرمیاں شروع کردی گئی ہیں۔سی ای او ایجوکشن علی احمد سیان کی زیر قیادت سٹی ٹریفک پولیس کے ایجوکیشن یونٹ کے ٹریفک وارڈن (انسٹرکٹرز) نے اسکاؤٹس لیڈرز (اساتذہ کرام)، بوائے اسکاؤٹس (طلباء) کو مکمل عملی تربیت دی۔اسکاؤٹس لیڈرز اور بوائے اسکاؤٹس کو ٹریفک قوانین کے ساتھ ساتھ ٹریفک سگنلز کے بارے بھی آگاہی دی گئی۔اس موقع پر شاہرات پر ڈرائیورز کو آگاہی ٹریفک کے پمفلٹس تقسیم کرنے کے ساتھ ساتھ ٹریفک قوانین پر عمل کرنے پر بھی زوردیا گیا۔
