وطن کی خاطر جان قربان کرنے والے ملک و قوم کے ماتھے کا جھومر ہیں: چیف ٹریفک آفیسر 

   چیف ٹریفک آفیسر مقصود احمد لون یوم تکریم شہداء پاکستان کے حوالے سے ٹریفک وارڈن شفیق شہید کی فیملی سے ملاقات کیلئے شہید کےگھر گئے۔ شہید کی فیملی سے ملاقات کی۔ بچوں کو پھولوں کے گلدستے،پھل اورتحائف پیش کیے۔ سی ٹی او نے شہید کی فیملی کے ساتھ وقت گزارہ۔ڈی ایس پی محمد نواز کموکا اور انچارج ویلفیئر برانچ لیڈی انسپکٹر یاسمین بھی ہمراہ تھے۔اس موقع پر سی ٹی نے اظہار خیال کرتے ہوئے کہا کہ شہید کی فیملی کا ہر طرح سے خیال رکھا جا رہا ھے۔بچوں کی تعلیم اور دیگر مسائل کے حل کیلئے ہمہ وقت شہید کی فیملی کے ساتھ ہیں۔ شفیق شہید سٹی ٹریفک پولیس فیصل آباد کے ماتھے کا جھومر اور فخر کا باعث ہے۔ جس نے فرض کی ادائیگی کے دوران ملک و قوم کی خاطر جان کا نذرانہ پیش کیا۔ بعد ازاں سی ٹی او ، ڈی ایس پی، لیڈی انسپکٹر و دیگر ٹریفک سٹاف نے شہید کی قبر پر حاضری دی پھول چڑھائے اور فاتحہ خوانی کی۔