چیف ایگزیکٹیو آفیسر فیصل آباد ویسٹ مینجمنٹ کمپنی کی ہدایت پر شہر کی ہر گلی محلے میں صفائی کا پیغام

فیصل آباد(09مئی 2023ء)چیف ایگزیکٹیو آفیسر فیصل آباد ویسٹ مینجمنٹ کمپنی عظیم شوکت اعوان کی ہدایت پر شہر کی ہر گلی محلے میں صفائی کا پیغام پہنچانے کیلئے ٹیمیں متحرک ہیں۔کمیونیکیشن ونگ کی جانب سے یونین کونسلوں میں گھر گھر صفائی آگاہی مہم جاری ہے جبکہ کمرشل مارکیٹس کے دوکاندار حضرات اور تاجر کمیونٹی کو بھی آگاہی مہم کا حصہ بنایا جارہا ہے۔گزشتہ روز کمیونیکیشن ڈیپارٹمنٹ ایف ڈبلیو ایم سی کے زیر اہتمام یونین کونسل 64 ہمت پورہ میں صفائی ستھرائی پر مبنی گھر گھر معلوماتی پمفلٹس تقسیم کئے گئے۔کمپنی کے سوشل موبلائیزرز نے شہریوں کو بتایا کہ اپنے گھر کی صفائی کے ساتھ ساتھ گلی،محلہ اور سڑک کو بھی صاف ستھرا بنائیں۔کوڑا صرف کوڑے دان میں پھینکیں یا ہمارے ورکر کے حوالے کریں۔عملہ صفائی کی شکایت کیلئے ہماری ہیلپ لائن 1139 پر کال کریں یا سوشل میڈیا پیجز وزٹ کریں۔