فیصل آباد میں 17 ہزار سے زائد افراد کو کورونا ویکسین لگا دی گئی

فیصل آباد (نمائندہ ایف ٹی وی) ضلع میں ویکسینیشن سنٹرز پر بزرگ افراد کو کورونا ویکسین لگانے کا عمل روزانہ کی بنیاد پر جاری ہے اور اب تک مجموعی طور پر17 ہزار 905 سینئر سیٹیزن کو ویکسین کی دو ڈوز لگائی جاچکی ہیں جن میں 15460 کو فرسٹ اور 2445 کو سیکنڈ ڈوز لگائی گئی۔ڈسٹرکٹ ہیلتھ آفیسر ڈاکٹر عطاء المعنم نے بتایا کہ سپورٹس کمپلیکس سمن آباد،تحصیل ہیڈ کوارٹرز ہسپتال سمندری نیو بلڈنگ،سپورٹس کمپلیکس چک جھمرہ،تحصیل ہیڈ کوارٹرز ہسپتال نیو بلڈنگ تاندلیانوالہ اور رورل ہیلتھ سنٹر نیو بلڈنگ کھرڑیانوالہ کے سنٹرز کی مسلسل نگرانی جاری ہے جہاں کورونا ایس اوپیز پر بھی ذمہ دارانہ عملدرآمد کیا جارہا ہے۔