فیصل آباد(نمائندہ ایف ٹی وی) ایس پی پٹرولنگ پولیس فیصل آباد ریجن مرزا انجم کمال کی زیرِ صدارت ریجنل آفس پٹرولنگ پولیس فیصل آباد میں خصوصی میٹنگ کا انعقاد کیا گیا۔ میٹنگ میں ڈسٹرکٹ ڈی ایس ایس پٹرولنگ فیصل آباد ملک محمد امین اور انچارج پوسٹ ہائے فیصل آباد نے شرکت کی۔ میٹنگ کا مقصد پٹرولنگ پولیس فیصل آباد ریجن کی کار کردگی کا جائزہ لینا ہے۔ میٹنگ میں ایس پی مرزا انجم کمال نے کہا کہ میں پوسٹ ہائے کی سرپرائز چیکنگ کو جاری رکھوں گا اور غفلت و لاپرواہی کے مرتکب ملازمان کے لئے میرے پاس کوئی گنجائش نہیں۔ پٹرولنگ پولیس فیصل آباد ریجن کو ایک مثال بنانا چاہتا ہوں۔ ڈیوٹی کو عبادت سمجھ کر کریں اور اپنے بچوں کو رزقِ حلال کھلائیں،نااہل اور ڈیوٹی چور معافی کے حقدار نہیں۔ اچھی کارکردگی اور جانفشانی سے ڈیوٹی سرانجام دینے والے افسران و ملازمان کو ہمیشہ سراہتے رہیں گے۔ اس دوران ایس ایس پی مرزا انجم کمال نے احادیث ِ مبارکہ اور قرآن پاک کی آیاتِ کریمہ کے حوالے دیتے کہا کہ وطن کی حفاظت کے لئے رات بھر جاگنے والی آنکھوں کو جہنم کی آگ چھو نہ پائے گی۔ اس لئے اپنی زندگی میں اسلامی اصولوں کو شامل کر لیں کسی بھی آفیسر سے دوران ِ ڈیوٹی کسی شہری کی دل آزاری نہ ہو شہریوں سے حسنِ سلوک سے پیش آئیں پہلے سلام اور پھر کلام کریں تاکہ عوام النا س کو تحفظ کا احساس ہو۔ انہوں نے کہا کہ جہاں میرا مشن ملازمان کی فلاح و بہبود اور مسائل حل کرنے لئے جاری ہے وہیں شہریوں کے تحفظ کے لئے ہائی ویز پر پٹرولنگ کو بھی فعال بنانا ہے۔ انہوں نے انچارجز پوسٹ کو ہدایت کی کہ گاڑیوں کی دیکھ بھال انتہائی ضروری ہے تمام تر ڈیوٹی کا دارومدار گاڑی پر ہے اگر ان کی حالت کا خیال نہ رکھا گیا تو شہریوں کوتحفظ فراہم کرنا ممکن نہیں اس کے لئے ڈرائیور زباقاعدگی کے ساتھ گاڑیوں کا جائزہ لیں اور رپئیر نگ ورک کروائیں گے۔ بیٹ ایریا میں کسی بھی قسم کی واردات برداشت نہیں کریں گے ضلع پولیس کے تعاون کے ساتھ جرائم پیشہ عناصر کے خلاف کاروائیاں عمل میں لائیں۔ اشتہاری مجرمان اور ڈکیت گینگز کے متعلق ضلع پولیس کے ساتھ ملکر جامع حکمت عملی بنائیں تاکہ ہائی ویز کو کرائم فری بنایا جائے۔ پوسٹ ہائے پر تعینات تمام سٹاف گرین ہائی ویز مہم کے تحت بیٹ ایریاز میں کمیونٹی پالسنگ اور PHAکے تعاون کے ساتھ زیادہ سے زیادہ پودے لگائیں گے۔بیٹ ایریاز میں پودے لگانے کے لیے ایسے مقامات کا تعین کیا جائے جہاں پودوں کی مناسب دیکھ بھال ہو سکے۔تجاوزات کے خلاف آپریشن کو پایہ تکمیل تک پہنچائیں اور تجاوزات ختم کرکے فوری رپورٹ مرتب کریں تاکہ ٹریفک کی روانی کو قائم رکھا جائے۔ پٹرولنگ پولیس کی ہیلپ لائن 1124سے موصول ہونے والی کالز پر فوری رسپانس دیں گے.
