منی بجٹ کا آنا صرف ظالمانہ اقدام ہی نہیں بلکہ معاشی حالات کی ستائی غریب عوام کو زندہ در گور کرنے کے مترادف ہے۔ قمر زمان کائرہ

سیاست

فیصل آباد(نمائندہ ایف ٹی وی) پاکستان پیپلزپارٹی وسطی پنجاب کے صوبائی صدر قمر زمان کائرہ نے کہا کہ منی بجٹ کا آنا صرف ظالمانہ اقدام ہی نہیں بلکہ معاشی حالات کی ستائی غریب عوام کو زندہ در گور کرنے کے مترادف ہے،سلیکٹڈ عمران نیازی عوام کو کس جرم کی سزا دے رہے ہیں ِ پیپلز پارٹی کبھی بھی اسٹیبلشمنٹ اور پرائی بیساکھیوں کے سہارے اقتدار میں نہیں آئی،ہمیشہ عوامی قوت سے اقتدار حکومت حاصل کیا ہے۔ 290 ارب روپے کا ٹیکس استثنی ختم کرنے پر گہری تشویش کا اظہار کرتے ہوئے کہا کہ یہ ٹیکس اصلاحات نہیں بلکہ IMF کی شرائط کو پورا کرنے کیلئے اقدام ہے ملک و قوم کو اسکا کوئی فائدہ نہیں اسکا بوجھ براہ راست عوام پر پڑیگا۔ بجلی،گیس اور پٹرولیم مصنوعات کی قیمتوں میں آئے روز اضافہ کرکے عوام سے اربوں روپے کمانے کے باوجود حکومت کے اخراجات پورے نہیں ہو رہے،پیپلزپارٹی آج بھی کڑوڑوں دلوں پر راج کر رہی ہے،تمام پارٹی عہدیداران اپنی صفوں میں اتحاد رکھیں اور پارٹی کو منظم و فعال کرنے کے لیے،اپنا اپنا کلیدی کردار ادا کریں،تنقید کرنا بہت آسان ہے برداشت کرنا مشکل ہے، ڈویژنل صدر چوہدری سعید اقبال،ضلعی صدر محمد اعجاز چوہدری نے کہا کہ تین سالوں میں مخالفین کودیوارسے لگانے،مہنگائی،بے روزگاری کے سواحکمرانوں کی کارکردگی سوالیہ نشان ہے۔کب تک اپنی ناکامیوں کاملبہ ماضی کے حکمرانوں پردھرتے رہیں گے۔عوام باشعورہیں،مزیدوقت ضائع کیے بغیرمسائل حل کریں، ان خیالات کا ظہار مقررین نے پاکستان پیپلز پارٹی کے ضلعی صدر محمد اعجاز چوہدری کی رہائش گاہ سمندری روڈ پر صوبائی صدر قمر زمان کائرہ کی صدرارت میں ہونے والے ڈویژنل اجلاس میں شریک پارٹی عہدیداروں سے خطاب کرتے ہوئے کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے