پنجاب فوڈ اتھارٹی کی فیصل آباد کے مختلف علاقوں میں کارروائیاں جاری

فیصل آباد(حمزہ اکرم)پنجاب فوڈ اتھارٹی فیصل آباد کے شہریوں کو محفوظ خوراک پہچانے کے مشن پر گامزن ہے اس ضمن میں فوڈ سیفٹی ٹیم نے گھر میں بنی مضر صحت کیچپ اور سوس بنانے والی فیکٹری ڈھونڈ پکڑلی۔ڈائریکٹر جنرل پنجاب فوڈ اتھارٹی کی ہدایات پر ایڈیشنل ڈائریکٹر اور ڈپٹی ڈائریکٹر آپریشنز کی سربراہی میں سرگودھا روڈ علی ٹاؤن میں موجود خفیہ فیکٹری پر چھاپاماراگیا تو ملزمان بغیر لائسنس کام کرتے پائے گئے مزید چیکنگ پر سوس اور کیچپ میں سٹارچ کی ملاوٹ پائی گئی جبکہ عوام کو دھوکا دینے کے لئے پیکنگ پر ایڈریس بھی جعلی پایا گیا۔ٹیم نے 4 عدد پیکنگ مشینری،500 کلو ملاوٹی سوس،سیلنگ مشینیں اور پیکیجنگ میٹریل ضبط کر کے تھانہ ملت ٹاؤن میں پنجاب فوڈ اتھارٹی ایکٹ 2011 سیکشن 22، 23، 28 اور 32 کے تحت مقدمہ درج اورملزمان موقع سے گرفتارکرادیئے۔