ایف ڈبلیو ایم سی کی طرف سے عید الاضحیٰ کے دنوں میں کام کرنے والوں کے لیے اضافی تنخواہ

فیصل آباد(حمزہ اکرم)فیصل آباد ویسٹ مینجمنٹ کمپنی کے بورڈ آف ڈائریکٹرز کا 59واں اجلاس ایف ڈبلیو ایم سی کمپلیکس میں منعقد ہواجس کی صدارت چیئرمین فیصل آباد ویسٹ مینجمنٹ کمپنی ولید ارشد ڈوگر نے کی۔اس موقع پر سی ای او فیصل آبادویسٹ مینجمنٹ کمپنی بلال فیروز جوئیہ،ایڈیشنل ڈپٹی کمشنر جنرل قیصر عباس رندکے علاوہ ڈاکٹر شفاقت علی،ڈاکٹر رومانہ تبسم ودیگر ارکان بھی موجود تھے۔حکومت پنجاب کے نمائندگان لوکل گورنمنٹ و فنانس ڈیپارٹمنٹ نے آن لائن شرکت کی۔ بورڈ آف ڈائریکٹرز کے اجلاس میں تمام ممبران نے نومنتخب چیئرمین ولید ارشد ڈوگر کو دوبارہ منتخب ہونے پر مبارکباد پیش کی اور نیک تمناوئں کا اظہار کیا۔چیئرمین کی زیر صدارت اجلاس میں عید الاضحی کی تعطیلات میں ڈیوٹی سرانجام دینے والے کمپنی ملازمین کیلئے 15 یوم کے اعزازیہ کی منظوری دی گئی۔دیگر ایجنڈا آئیٹمز میں مالی سال 21-2020کے سالانہ اکاونٹس کی منظوری اور 8۔اکتوبر کو سالانہ جنرل میٹنگ بلانے کی منطوری بھی دی گئی۔