رستم فیصل آباد ریسلنگ مقابلوں کا آغاز ہوگیا

فیصل آباد(حمزہ اکرم)سپورٹس ڈیپارٹمنٹ کے زیر اہتمام رستم فیصل آباد ڈویژن ریسلنگ مقابلوں کا انعقاد ڈجکوٹ روڈ سپورٹس کمپلیکس میں کیاگیا جس میں ڈسٹرکٹ جھنگ،ٹوبہ ٹیک سنگھ اورفیصل آباد کے پہلوانوں نے حصہ لیا۔پہلے روز کے مقابلوں میں خالدپہلوان تلی نے احتشام پہلوان،یارمحمدپہلوان نے حمزہ نوید پہلوان،رمضان پہلوان نے ثقلین عباس پہلوان،طیب پہلوان نے شعیب بٹ پہلوان،اسماعیل خان پہلوان نے رستم فیصل آباد گامی پہلوان کو چت کرکے کوارٹر فائنل کیلئے کوالیفائی کرلیا۔ڈسٹرکٹ اکاؤنٹ آفیسرندیم بٹ،ڈویژنل سپورٹس آفیسررانا حماد اقبال نے پہلوانوں میں خصوصی انعامات تقسیم کئے۔استادعابدپہلوان،استادعالم پہلوان،بابادیوان،حاجی محمدرفیع،ایسوسی ایٹ سیکرٹری پنجاب ریسلنگ ایسوسی ایشن ملک عاطف نومی،خان پہلوان،استاد مشتاق علی پہلوان بھی موجود تھے۔