فیصل آباد(ڈسٹرکٹ رپورٹر)سلوت سعید کی ہدایات پر ضلعی انتظامیہ اور ویسٹ مینجمنٹ کمپنی عید الاضحی پر شہر کو زیروویسٹ کرنے کے لئے متحرک ہیں۔کمشنر سلوت سعید نے مختلف مقامات پر آگاہی کیمپس/سروس ڈلیوری کیمپس پرشہریوں میں قربانی کی الائشیں جمع کرکے ویسٹ ورکرز کے حوالے کرنے والے ماحول دوست ویسٹ بیگز تقسیم کئے۔ڈپٹی کمشنر علی عنان قمر اور سی ای او عظیم شوکت اعوان بھی موجودتھے۔کمشنر نے کہا کہ شہری عید قرباں پر ویسٹ جمع کرکے ویسٹ ورکرز کے حوالے کریں اور ذمہ دار شہری ہونے کا ثبوت دیں۔انہوں نے کہا کہ ویسٹ مینجمنٹ کمپنی نے عید پر جامع صفائی پلان ترتیب دیا ہے جبکہ کنٹرول رومز فنکشنل رہیں گے۔شہری شکایت کی صورت میں 1139 پر کال یا 0315-7771139 پر شکایت واٹس ایپ کریں۔ویسٹ کو اٹھانے میں تاخیر نہیں ہوگی۔کمشنر نے کہا کہ شہری عید صفائی پلان کی کامیابی میں انتظامیہ کا ساتھ دیں۔
