سیشن جج شفیق احمد کا سنٹرل جیل فیصل آباد کا دورہ

فیصل آباد (حمزہ اکرم) ایڈیشنل ڈسٹرکٹ اینڈ سیشن جج شفیق احمد شفیع اور جوڈیشل مجسٹریٹ فرسٹ کلاس اورنگزیب وڑائچ نے سنٹرل جیل کا دورہ کیا۔انہوں نے سپرٹنڈنٹ جیل چوہدری اصغر علی کے ہمراہ اندرون جیل ہسپتال،کچن اسیران اور بیرکس و سیلز کا معائنہ کیااور جیل انتظامیہ کی طرف سے کئے جانے والے انتظامات پر اطمینان کا اظہارکیا۔ایڈیشنل ڈسٹرکٹ اینڈ سیشن جج نے اسیران سے ان کے مسائل دریافت کئے۔اسیران جیل نے جیل انتظامیہ کی طرف سے کئے گئے اقدامات کو سراہا۔ایڈیشنل ڈسٹرکٹ اینڈ سیشن جج نے معمولی نوعیت کے جرائم میں ملوث 15نفراسیران کو ذاتی مچلکوں پر رہا کرنے کا حکم دیا۔ سپرنٹنڈنٹ جیل نے انتظامی وحفاظتی امور پر بریفنگ دی۔