سی ای او ایجوکیشن کا مختلف سکولوں کی سرپرائز انسپیکشن

فیصل آباد(حمزہ اکرم)سی ای او ایجوکیشن افتخارخان نے تحصیل تاندلیانوالہ سمیت مختلف علاقوں کے سکولوں کی اچانک انسپکشن کی اور اساتذہ ونان ٹیچنگ سٹاف کی حاضری،تدریسی امور،صفائی ستھرائی،انسداد ڈینگی اقدامات کو تفصیلی چیک کیا۔انہوں نے انتظامی وتدریسی امور کو بہترسے بہتر بنانے کی تاکید کی اور ہیڈ ٹیچرزسے کہا کہ اعلی نظم ونسق ہمہ وقت برقرار رہنا چاہیے۔انہوں نے طالب علموں سے بھی ملاقات کی اور ان سے تعلیمی سلیبس کے متعلق سوالات کرتے ہوئے ان کا زبانی ٹیسٹ بھی لیا۔انہوں نے اساتذہ سے کہا کہ وہ بچوں کو معیاری تعلیم کی فراہمی کے ساتھ ان کی جدید خطوط پر تربیت بھی جاری رکھیں۔سی ای او نے بعض سکولوں سے غیر حاضر اساتذہ ونان ٹیچنگ سٹاف کے خلاف محکمانہ کارروائی کی ہدایت کی۔