فیصل آباد (نمائندہ ایف ٹی وی) سرگودھا روڈ فیصل آباد کے علاقہ میں 20 لاکھ تاوان کے لیئے اغوا کے بعد 8 سالہ بچے کے قتل کا معاملہ، پولیس نے مرکزی ملزم اور دوسرے ملزم کو گرفتار کرلیا۔ سی پی او فیصل آباد کی ہدایت پر ایس پی مدینہ ٹاون نبیل کھوکھر آور ڈی ایس پی سرگودھا روڈ چوہدری اکرم کی سر براہی میں تشکیل دی گئی جس پر ایس ایچ او سرگودھا روڈ سب انسپکٹر حماد یوسف اور دیگر پولیس ٹیم نے جدید ذرائع کو بروئے کار لاتے ہوئے 8 سالہ بچے کے اغواء برائے تاوان اور قتل کے مرکزی ملزم اعجاز کو گرفتار کرلیا ذرائع کے مطابق ملزم نے اسلامیہ پارک کے رہائشی 8 سالہ حمزہ ولد ندیم کو اغوا جبکہ اسکی رہائی کے لیئے اسکے ورثاء سے بذریعہ فون 20 لاکھ تاوان طلب کیا تھا جس کے بعد تاج کالونی میں ریاض مغل کے مکان کی تلاشی لینے پر زمین میں دفن 8 سالہ حمزہ کی بوری بند لاش برآمد ہوئی پولیس نے ملزم اعجاز کو گرفتار کر کے مزید تفتیش کا عمل شروع کر دیا،ذرائع کے مطابق 8 سالہ بچے کے اغواء کے بعد قتل کی واردات میں ایک خاتون سمیت 3 افراد ملوث ہیں۔
