فیصل آباد(ڈسٹرکٹ رپورٹر)کمشنر سلوت سعید نے لنڈا بازار راجباہ روڈ کے متاثرین سے میٹنگ کی۔انہوں نے کہا کہ سابقہ معاہدہ ایم او یو کے مطابق قسطیں اداکرنے والے لنڈا بازارراجباہ روڈ کے حقیقی متاثرین کو دکان کی فراہمی کے لئے فیملی رجسٹریشن سرٹیفیکیٹ کی بھی نادرا سے تصدیق کرائی جائے گی۔انہوں نے کہا کہ دوفارمز جمع کرانے والوں کو سہولت نہیں ملے گی۔کمشنر نے میونسپل کارپوریشن کو ایک ہفتہ کے اندر دکانداروں کے ساتھ نیا معاہدہ تیار کرنے کا حکم دیا اور کہا کہ شہر میں صرف ایک ہی لنڈا بازار ہوگااور حقیقی دکانداروں کو دکانیں فراہم کریں گے اس ضمن میں ڈسٹرکٹ کلکٹر سے آراضی میونسپل کارپوریشن کو منتقل کرائی جائے گی۔انہوں نے کہا کہ لنڈا بازار کے لئے جگہ کا تعین کرکے آگاہ کریں تاکہ متاثرین کو دکانیں فراہم کی جاسکیں۔انہوں نے لینڈ آفیسر کارپوریشن کو ٹاسک تفویض کیا۔
