فیصل آباد(ڈسٹرکٹ رپورٹر)کمشنر سلوت سعید کی زیر صدارت ڈویژنل ڈویلپمنٹ ورکنگ پارٹی کا اجلاس ہواجس میں ضلع فیصل آباد میں پبلک ہیلتھ انجینئرنگ کے زیر اہتمام تحصیل تاندلیانوالہ میں سیوریج/ڈرینج سسٹم کی فراہمی کے منصوبہ کی منظوری کا جائزہ لیا گیا۔اسی طرح تاندلیانوالہ سٹی،ماموں کانجن کی مختلف یونین کونسلز میں سولنگ/نالیوں وڈرینج کی فراہمی کی سکیمز پر عملدرآمد کی تفصیلات پر تبادلہ ہوا۔اجلاس میں فیصل آباد میں بلڈنگز سرکل I کے تحت ڈپٹی کمشنر کمپلیکس کی تعمیرجبکہ ضلع ٹوبہ ٹیک سنگھ میں سٹیزن فسیلیٹیشن اینڈ سروس سنٹر کی تعمیر کے نظرثانی شدہ منصوبہ جات منظور کئے گئے۔اجلاس میں میونسپل کارپوریشن کی طرف سے جھنگ روڈ کے مختلف پورشنز کی مرمت وبحالی کی تین مختلف سکیموں کا جائزہ لیتے ہوئے کمشنر فیصل آباد نے مشترکہ سکیم بنانے کی تاکید کی اور اس منصوبہ کو ضلعی فورم پر منظوری کے لئے پیش کرنے کا حکم دیا۔
