کورونا کے بڑھتے کیسز فیصل آباد کے 19 علاقوں میں سمارٹ لاک ڈاؤن نافذ کردیا گیا۔

فیصل آباد ( نمائندہ ایف ٹی وی) کورونا وائرس کے بڑھتے کیسز فیصل آباد کے 19 علاقوں میں سمارٹ لاک ڈاؤن نافذ کردیا گیا۔ فیصل آباد میں زیادہ کورونا ٹیسٹ مثبت آنے والوں علاقوں میں سمارٹ لاک ڈاؤن لگا دیا گیا۔ کوہ نور ٹاؤن، خیابان کالونی، کینال روڈ، حسن ویلاز، ایڈن ویلی، ایڈن گارڈن، سعید کالونی، پیپلز کالونی، آفیسرز کالونی کو بند کر دیا گیا اور عبداللہ گارڈن، ماڈل سٹی، مدینہ ٹاؤن، ٹیک ٹاؤن، امین ٹاؤن، ضیاء ٹاؤن، رضا ٹاؤن، رضا گارڈن، فیصل ٹاؤن اور فصیل گارڈن میں سمارٹ لاک ڈاؤن نافذ کر دیا گیا۔ سیکرٹری پرائمری اینڈ سیکنڈری ہیلتھ کیئر کے مطابق زیادہ کورونا ٹیسٹ مثبت آنے والوں علاقوں میں سمارٹ لاک ڈاؤن لگایا جا رہا ہے۔ سیکریٹری صحت کے مطابق لاک ڈاؤن والے علاقوں میں تمام شاپنگ مالز، ریسٹوران، دفاتر(نجی اور سرکاری) بند رہیں گے۔ ’علاقہ مکینوں کی نقل و حمل محدود ہو گی، انتہائی ضرورت کے پیش نظر ایک فرد ایک سواری استعمال کر سکے گا۔’ ہر قسم کے اجتماعات پر مکمل پابندی ہو گی۔  تمام میڈیکل سروسز، فارمیسی، میڈیکل سٹور، لیبارٹریاں، کولیکشن پوائنٹس، ہسپتال اور کلینکس 24 گھنٹے کھلے رہیں گے۔ ملک شاپس،چکن اور گوشت/مچھلی کی شاپس اور بیکریاں صبح سات سے شام  سات بجے تک کھلی رہیں گی۔ گروسری سٹورز، جنرل سٹورز، آٹا چکیاں، فروٹ، سبزی کی دوکانیں، تندور اور پیڑول پمپس نو بجے سے شام سات بجے تک کھلی رہیں گی۔