ڈائریکٹر جنرل ایف ڈی اے محمد آصف چوہدری کی ہدایات پر غیر قانونی کمرشلائزیشن اور تعمیرات میں قانون شکنی کے خلاف مہم جاری

فیصل آباد(ڈسٹرکٹ رپورٹر)ڈائریکٹر جنرل ایف ڈی اے محمد آصف چوہدری کی ہدایات پر ایف ڈی اے کے زیر کنٹرول رہائشی کالونیوں اور کمرشل مارکیٹس میں غیر قانونی کمرشٖلائزیشن اور تعمیرات میں قانون شکنی کے خلاف مہم جاری ہے اس سلسلے میں ایف ڈی اے کی انفورسمنٹ ٹیم نے کارروائی کرتے ہوئے بلڈنگ لاز کی خلاف ورزی پر ملت ٹاؤن میں دو پلاٹس کو سربمہر کردیا۔ تفصیلات کے مطابق اسٹیٹ آفیسر امتیاز علی گورایہ کی سربراہی میں ایف ڈی اے کی انفورسمنٹ ٹیم نے ملت ٹاؤن میں انسپکشن کے دوران پلاٹ نمبر736-Bمیں بلامنظوری دکانات تعمیر اور پلاٹ نمبر313-Dمیں نقشہ کی منظوری کے بغیر تعمیرات کرنے پر انہیں سیل کردیا اور مالکان سے کہاگیا ہے کہ وہ کمرشلائزیشن پالیسی کی پابندی کریں اور نقشہ کی منظوری کے بغیر تعمیرات سے گریز کریں بصورت دیگر قانون شکنی پر تعمیرات کو مسمار کیاجاسکتاہے۔
۔۔۔///۔۔۔