گورنمنٹ کالج ویمن یونیورسٹی میں دوسرے کانوکیشن کا انعقاد

فیصل آباد(حمزہ اکرم) یونیورسٹیاں ریسرچ کی آماجگاہ ہیں موجودہ اور آنے والے مسائل کے حل تلاش کرنے کا پلیٹ فارم ہیں. ان خیالات کا اظہار گورنر پنجاب چانسلر گورنمنٹ کالج ویمن یونیورسٹی نے یوینورسٹی کے جناح آڈ یٹوریم میں دوسرے کانوکیشن کےانعقاد کے موقع پر کیا ۔ گورنر پنجاب محمد بلیغ الرحمن نے بطور مہمان خصوصی کانوکیشن میں شرکت کی ۔تقریب میں وائس چانسلر پروفیسر ڈاکٹر روبینہ فاروق (تمغہ امتیاز)کے ہمراہ یونیورسٹی ڈائریکٹرزاورپرنسپل آفیسرز شریک تھے۔تقریب میں پی ایچ ڈی ، ایم فل ،ایم اے ،ایم ایس سی ،اور بی ایس کی طالبات کو ڈگریاں تفویض کی گیں۔تعلیمی میدان میں امتیازی پوزیشن حاصل کرنے پر ۸۰ طالبات کو گولڈ میڈل ، ۸۱ طالبات کو سلور میڈل اور ۶۸ طالبات کو کانسی میڈل سے نوزا گیا۔ کنٹرولر امتحانات رضوانہ تنویر رندھاوا نے کانوکیشن کی کاروائی کو آگے بڑھایا ۔ اس موقع پر گورنر پنجاب محمد بلیغ الرحمن نے طالبات کو شاندار کامیابی پر مبارک باد دی اور طالبات کی پیشہ وارانہ صلاحیتوں کو اجاگر کرنے میں یونیورسٹی انتظامیہ کو سراہا ۔انہوں نے مزید کہا کہ میرے لئے یہ بات قابل فخر ہے کہ گورنمنٹ کالج ویمن یونیورسٹی نے حالیہ رینکنگ میں قومی اور عالمی سطع پر نمایاں پوزیشن حاصل کی ۔انہوں نے طالبات کو تلقین کی کہ مثبت سرگرمیوں کا حصہ بنیں صبر تحمل اور لیڈر شپ کی صلاحیت پیدا کریں ۔وائس چانسلر پروفیسر ڈاکٹر روبینہ فاروق نے اس موقع پر گورنر پنجاب کی آمد پر ان کا شکریہ ادا کیا اور یونیورسٹی کی گزشتہ برسوں میں حاصل کردہ کامیابیوں اور ترقیاتی منصوبوں کے بارے تفصیلی طور پر آگاہ کیا۔انہوں نے مزید کہا کہ یونیورسٹی میں جدید تحقیق و تدریس کی طرف خصوصی توجہ دی جا رہی ہے ۔اس ضمن میں اساتذہ ،طلبا ریشو کو کم سے کم سطح پر لانے کے لئے ریکارڈ سلیکشن بورڈ کروائے گئے ہیں جس کے ذریعے پروفیسرز اور دیگر سٹاف کی میرٹ پر تعنیاتیاں کی گئیں ہیں
یونیورسٹی ملازمین کی فلاح و بہبود پر توجہ دی گئی ہے۔ کانووکیشن میں سینڈیکیٹ ممبران، مختلف یونیورسٹیز کے وائس.
چانسلرز سمیت ضلعی انتظامیہ کے افسران نے بھی شرکت کی۔