فیصل آباد (ڈسٹرکٹ رپورٹر)پرائم منسٹر یوتھ پروگرام پنجاب والی بال پروونشنل لیگ خواتین کی افتتاحی تقریب کاانعقاد گورنمنٹ کالج ویمن یونیورسٹی میں شعبہ ہیلتھ اینڈ فزیکل ایجوکیشن کے زیر اہتمام منعقد ہوا۔تقریب کے مہمان خصوصی میاں عبدالمنان سابق ایم این اے اور مہمان اعزاز میاں شعیب ادریس اور وائس چانسلر گورنمنٹ کالج ویمن یونیورسٹی پروفیسر ڈاکٹر ظل ہما نازلی تھے۔. میاں عبدالمنان نےاپنے خیالات کا اظہار کرتے ہوئے کہا بہت خوشی کا موقع ہے کہ گورنمنٹ کالج ویمن یونیورسٹی بحیثت میزبان تمام ٹیموں کو خوش آمدید کر رہے ہیں انہوں نے مزید کہا کہ بیٹیوں سے محبت اور فخر ہمیں ہمارے دین سے ملا ہے اور کہا کہ بیٹیوں کی ذہانت کا قائل ہوں موقع ملنے پر ہر میدان میں اپنی صلاحیتیں منواتی ہیں ارفع کریم کی طرح ہماری بہت سی بیٹیوں نے ہمارا نام روشن کیا ۔ مزید براں انہوں نے ایم ایف کے معاہدے کا حوالہ دیتے ہوئے امید ظاہر کی کہ آنے والی حکومت میں معاشی استقامت اور بہتر منصوبوں پر عمل پیرا ہوتے ہوئے گورنمنٹ کالج ویمن یونیورسٹی کے نئے کیپس کو ایک مثالی عمارت ہوسٹل کی بہترسہولیات اور اچھا ماحول فراہم کرنے کے عزم کا اظہار کیا ۔ وائس چانسلر گورنمنٹ کالج ویمن یونیورسٹی پروفیسر ڈاکٹر ظل ہما نازلی نے کہا کہ خواتین صرف صنف نازک نہیں ہیں یہ ہر میدان میں اپنی کامیابیوں کا جھنڈا گاڑرہی ہیں اور کہا کہ طا لبات تعلیم کے ساتھ ساتھ سپورٹس میں بھی آگے بڑھ رہی ہیں۔ انہوں نے ٹرائلز میں نمایاں کارگردگی کا مظاہرہ کرنے والی ٹیموں کو مبارک باد دی اور ان کی حوصلہ افزائی کی۔کوارڈنیٹر آرٹس اینڈ سوشل سائنسز ڈاکٹر عائشہ ثمین نے کہا کہ ہماری تمام بیٹیاں صنف آہن کی حیثیت رکھتی ہیں رجسٹرار آصف اے ملک نے آنے والی تمام ٹیموں کو خوش آمدید کہا اور میاں عبدالمنان،شعیب ادریس اور آنے والے تمام مہمانوں کا شکریہ ادا کیا ۔انہوں نے حاضرین کو گورنمنٹ کالج ویمن یونیورسٹی کی سپورٹس کے شعبہ میں حالیہ کامیابیوں سے متعلق آگاہ کیا اور ڈائریکٹر سپورٹس فہمیدہ ایوب کی کوششوں کو سراہا اور ہائر ایجوکیشن کمیشن کا شکریہ ادا کہا کہ انہوں نے یہ ذمہ داری گورنمنٹ کالج ویمن یونیورسٹی کو دی۔ آخر میں مہمانوں نے تمام ٹیموں سے ملاقات کی اور ان کے ہمراہ گروپ فوٹو بنائے گئے ۔پروونشنل لیگ کے میچز کریسنٹ سپورٹس کمپلیکس میں جاری ہیں ۔
