معروف عالم دین مفتی عبیداللہ عفیف انتقال کرگئے

فیصل آباد (نمائندہ ایف ٹی وی) معروف عالم دین شیخ الحدیث والتفسیر ،استاذ العلماء مفتی عبید اللہ عفیف رحمہ اللہ علیہ رضائے الہی سے انتقال کرگئے۔ (ﺇﻧَّﺎ ﻟِﻠّٰﻪ ﻭﺇﻧَّﺎ ﺇﻟَﻴْﻪِ ﺭَﺍﺟِﻌُﻮْﻥ) ان کی نماز جنازہ 10 فروری بروز جمعرات صبح 9 بجے غلام محمد آباد مفتی عبید اللہ عفیف 1962 میں جامعہ سلفیہ فیصل آباد سے تعلیم مکمل کرکے فارغ ہوئے اور تدریس شروع کی۔ وہ 60 برس کی عملی زندگی میں آخری دو برس چھوڑ کر مسلسل  درس و تدریس سے وابستہ رہے۔ ہزاروں شاگرد ان کے چمنستان علم کے خوشہ چین رہے۔ مفتی عبیداللہ خان عفیف جامعہ القدس چوک دالگراں لاہور میں شیخ الحدیث تھے جہاں وہ کئی برس بخاری شریف پڑھاتے رہے۔ ان کے  ہزاروں شاگرد دنیا بھر میں دعوت و تبلیغ کا کام کررہے ہیں۔ ان کی نماز جنازہ کل صبح 10 بجے غلام محمد آباد فیصل آباد میں ادا کی جائے گی۔ مفتی عبیداللہ خان عفیف کی وفات پر تعزیت کا اظہار کرتے ہوئے سینیٹر پروفیسر ساجد میر ،علامہ ابتسام الہٰی ظہیر، پروفیسر سیف اللہ خالد، قاری یعقوب شیخ،شیخ فیاض احمد، محمد احسن، علامہ زبیر احمد ظہیر، حافظ عبدالغفار روپڑی، حافظ عبدالوہاب روپڑی و دیگر علماء کرام نے کہا کہ وہ ایک عظیم شخصیت اور باعمل عالم دین تھے۔ اللہ تعالیٰ ان کی مغفرت فرمائے اور جنت الفردوس میں اعلیٰ مقام عطاء فرمائے۔