پسند کی شادی کرنے والی خاتون سے سابق شوہر کی طلاق کے بعد مبینہ زیادتی،بچوں کیساتھ خط ہسپتال چھوڑ کرفرار

فیصل آباد (خصوصی نمائندہ) پسند کی شادی کرنے والی خاتون سے شوہر کی ساتھیوں کے ہمراہ طلاق کے بعد 3 سال قید رکھ کر مبینہ زیادتی کی گئی۔ زیادتی کی شکار خاتون کے بطن سے دو بچوں کی پیدائش ہوئی۔ سابق شوہر اور اس کے ساتھیوں کی قید سے موقع پا کر فرار ہونے والی خاتون دونوں بچوں کو الائیڈ ہسپتال چھوڑ کر فرار، بچوں کے قریب سے خاتون کا الائیڈ ہسپتال کے ایم ایس کے نام لکھا ایک خط برآمد ہوا۔ خط میں خاتون کی جانب سے سابقہ شوہر اور اسکے ساتھیوں کی جانب سے ظلم کی داستان تمام افراد کے نام فون نمبر اور ایڈریس تحریر کیے گئے ہیں۔ خاتون نے ان افراد سے اپنی جان کو خطرہ بھی ظاہر کیا،ہسپتال انتظامیہ نے دونوں بچوں کو ایدھی سینٹر کے حوالے کر دیا ہے اور مزید کارروائی کیلئے پولیس کو درخواست دے دی۔