ون ڈش کی خلاف ورزی پر شادی ہالز سیل اور مینجرز گرفتار

فیصل آباد(حمزہ اکرم) ون ڈش کی خلاف ورزی پر دو شادی ہالز کے مینجرز کوگرفتار اور مارکیز سیل کردیں۔اسسٹنٹ کمشنرسٹی نے شہر بھر میں 24 شادی ہالز کو چیک کیا اور خلاف ورزی پر کارروائی کی۔انہوں نے شادی ہالز مالکان ومینجرز کو واضح کیا کہ میرج ایکٹ کی خلاف ورزی قابل قبول نہیں لہذا شادی تقریبات میں ون ڈش اور وقت کی پابندی پر عملدرآمد کو یقینی بنایا جائے بصورت دیگر ہالز سیل اور مینجرز جیل میں ہونگے۔انہوں نے کہا کہ انسپکشن کا سلسلہ جاری اور اس ضمن میں زیروٹالرنس پالیسی ہے۔ ضلع بھر میں میرج ایکٹ پر بھرپور اور کامیاب عملدرآمد جاری ہے اورضلعی انتظامیہ کے بروقت اقدامات سے شادی ہالز میں ون ڈش کی خلاف ورزی میں نمایاں کمی سامنے آئی ہے۔ضلعی انتظامیہ کی چیکنگ ٹیمیں ون ڈش کی خلاف ورزی زیرو کرنے کے لئے متحرک ہے۔گذشتہ شب 48۔ انسپکشنز میں سے صرف ایک خلاف ورزی رپورٹ ہوئی تحصیل سٹی میں خلاف ورزی پر دو مینجرز گرفتاراورشادی ہال کو 50 ہزار روپے جرمانہ کیا گیا۔