فیصل آباد میں ن لیگ کے کئی بڑے سیاسی پہلوان پارلیمان سے آؤٹ

فیصل آباد( عثمان صادق) عام انتخابات 2024 میں فیصل آباد میں بڑے بڑے اپ سیٹ، ن لیگ کے کئی بڑے سیاسی پہلوان پارلیمان سے آؤٹ ہوگئے۔

رانا ثنااللہ سابق وزیر داخلہ کو حلقہ این اے 100 سے تحریک انصاف کے امیدوار ڈاکٹر نثار جٹ نے اپ سیٹ شکست دی۔

طلال چوہدری کے والد چوہدری اشرف پی پی 101 سے ہار گئے۔ تحریک انصاف کے امیدوار نے شکست دی۔

نواب شیر وسیر این 96 جڑانوالہ سے ہار گئے، تحریک انصاف کے امیدوار رائے حیدر علی کھرل نے نواب شیر وسیر کو 42 ہزار کی لیڈ سے شکست دے دی۔ نواب شیر وسیر تحریک انصاف چھوڑ کر ن لیگ میں شامل ہوئے تھے۔

رانا ثناء اللہ کے داماد رانا احمد شہر یار پی پی 116 سے اپنی سیٹ نہ بچا سکے۔ تحریک انصاف کے امیدوار کامیاب ہوگئے۔

فیصل آباد کے حلقہ این اے 102 میں عابد شیر علی کو بھی شکست کا سامنا کرنا پڑا۔

رانا علی عباس خان سابق ایم پی اے بھی اپنی سیٹ نہ بچا سکے۔

میاں عبدالمنان سابق ایم این اے کا بیٹا عرفان منان بھی این اے 101 سے سیٹ جیتنے میں ناکام رہے۔ پی ٹی آئی کے امیدوار رانا عاطف یہ سیٹ جیت گئے۔

ملک عبدالرزاق سابق میئر فیصل آباد بھی پی پی 118 سے اپنی سیٹ نہ جیت سکے۔

شیخ محمد یوسف بھی پی پی 114 سے ہار گئے۔ شیخ یوسف نے لندن جاکر نواز شریف سے ملاقات کرکے اپنی ٹکٹ فائنل کروائی تھی۔

خواجہ رضوان بھی پی پی 117 سے ہار گئے۔