فیصل آباد (نمائندہ ایف ٹی وی) ایس پی پٹرولنگ پولیس فیصل آباد ریجن مرزا انجم کمال نے پٹرولنگ پوسٹ کمالپور فیصل آباد کا سرپرائز دورہ کیا۔ اس دوران اہلکاروں کی حاضری چیک کی گئی تو متعدد اہلکار غیر حاضر پائے گئے۔ گشت پر مامور گاڑی خستہ حال پائی گئی۔ ڈسپلن اور ایس پی کی خلاف ورزی کرنے پر ایس ایس پی مرزا انجم کمال نے انچارج پوسٹ سب انسپکٹر نوید احمد، شفٹ انچارج ندیم احمد ASI، محرر پوسٹ ہیڈ کانسٹیبل خلیل احمد، عمردراز، طاہر اور عمران کو معطل کردیا گیا۔ اس دوران ایس ایس پی پٹرولنگ پولیس فیصل آباد ریجن مرزا انجم کمال نے کہا کہ عادی غیر حاضر اور ڈیوٹی چور ملازمان ڈیپارٹمنٹ پر بوجھ ہیں۔ ڈسپلن کے معاملہ میں زیرو ٹالرینس پالیسی اپنائی جائے گی۔ تمام افسران و ملازمان ڈیوٹی کو عبادت سمجھ کر کریں۔
