پنجاب پولیس فیصل آباد کے افسران کو ترقی مل گئی

فیصل آباد (ڈسٹرکٹ رپورٹر )آر پی او ڈاکٹر عابد خان اور سٹی پولیس آفیسر ڈی آئی جی عثمان اکرم گوندل نے کہا ہے کہ محکمانہ ترقی فرض شناس ملازمین کاحق ہے تاہم ترقی ملنے سے فرائض اور ذمہ داریوں میں اضافہ ہو جاتا ہے،جن کی دیانتدارانہ ادائیگی اگلی محکمانہ ترقی کی ضمانت ہوتی ہے،ان خیالات کا اظہار انہوں نے اگلے محکمانہ رینک پر ترقی پانے والے پولیس افسران و اہلکاروں کو بیج لگانے کی تقریب سے خطاب کرتے ہوئے کیا، آر پی او ڈاکٹر عابد خان ،سی پی اوعثمان اکرم گوندل نے کہا کہ فرض شناسی کا دنیا میں پہلا تحفہ محکمانہ ترقی ہوتی ہے،ترقی کرنا ہر انسان کی خواہش اور اس کا بنیادی حق ہے لیکن ترقی پانے کی یہ خوشی اس وقت دوبالا ہو جاتی ہے جب انسان کو اگلے رینک کی ذمہ داریاں پوری کرنے کا احساس ہو،انہوں نے کہا کہ جہاں پر پولیس ہدف تنقید بننے کے حوالے سے ناقدین کا آسان ہدف ہے وہاں پر بہترین کام اور فرض شناسی پر پولیس افسران اور اہلکاروں کی حوصلہ افزائی بھی معاشرتی دیانتداریوں کا تقاضا ہے،انہوں نے ترقی پانے والوں کو مخاطب کرتے ہوئے کہا کہ آپ کوپہلے رینک پر فرض شناسی کا تحفہ محکمہ کی طرف سے محکمانہ ترقی کی صورت میں مل گیا اب آپ کی ذمہ داری ہے کہ اگلے رینک کی ذمہ داریوں اور فرائض کے تقاضوں کے مطابق عوام کے جا ن و مال کا تحفظ قانون کے مطابق کریں،سی پی او عثمان اکرم گوندل نے 11اے ایس آئیز کو سب انسپکٹراور23ہیڈ کانسٹیبلوں کو اے ایس آئیز کے بیج لگائے،ترقی پانے والوں نے دیانتدرای کے ساتھ اپنے فرائض ادا کرنے کا عہد کیا