فیصل آباد میں 2 ہفتے قبل ٹک ٹاکر نوجوان کے قتل کا ڈراپ سین

فیصل آباد (نمائندہ ایف ٹی وی) ٹک ٹاکر نایاب کے قتل کا ڈراپ سین، 18روز میں معمہ حل ہوگیا فیصل آباد پولیس نے 15 سالہ ٹک ٹکر نایاب کے قتل کا معمہ 18 دن بعد حل کرلیا، قاتل کوئی اور نہیں مقتول کا اپنا بھائی نکلا۔ اس حوالے سے پولیس نے تفصیلات بتاتے ہوئے کہا کہ مقتول ٹک ٹاکر نایاب کا چھوٹا بھائی تیمور ہی اس کا قاتل ہے۔ پولیس کے مطابق نایاب کو اس کا بھائی تیمور 10 نومبر کو اپنے ساتھ لے کرگیا تھا، تیمور نے گلے پر چھری کے وار کرکے بھائی کو جان سے مار ڈالا، پولیس کا کہنا ہے کہ ابتدائی تحقیقات میں ملزم تیمور نے 5 نامعلوم افراد پر قتل کا الزام لگایا اور اپنے اوپر بھی تشدد کئے جانے کا ڈرامہ رچایا تھا۔