فیصل آباد میں شادی کی تقریب منعقد کرنے پر 7 افراد کے خلاف مقدمہ درج

فیصل آباد (نمائندہ ایف ٹی وی) اسسٹنٹ کمشنر سٹی سید ایوب بخاری نے لاک ڈاؤن کے باوجود شادی کی تقریب منعقد کرنے پر 7 افراد کے خلاف مقدمہ درج کرادیا۔تفصیلات کے مطابق اسسٹنٹ کمشنر کو اطلاع ملی کہ ضیاء گارڈن نزد کینال روڑمیں مہندی کا پروگرام جاری ہے جہاں 200 سے زائد افراد موجود اور کورونا ایس اوپیز کی خلاف ورزی ہورہی ہے جس پرچھاپہ مارا گیا تو پروگرام جاری تھا۔موقع سے محمد شفیق،محمدمحسن، طلحہ،محمد اظہر،سہیل،ندیم اور علی حسن کو گرفتار کرکے حوالہ پولیس اور تھانہ مدینہ ٹاؤن میں مقدمہ درج کرادیا گیا۔