ہیومن رائٹس سنٹر فار وومن کے زیر اہتمام جشن آزادی کی تقریبات

فیصل آباد(نمائندہ ایف ٹی وی ) ہیومین رائٹس سنٹر فار وومن کے زیر اہتمام جشن آزادی کی تقریبات کے حوالے سے سیمینارریاض شاہد چوک اسلام نگر سنٹر میں منعقدہوا جس کی صدارت چیئرپرسن ایڈوائزرری کمیٹی مسز شہناز بشیر نے کی۔انچارج ادارہ مسز کنول شہزادی کے علاوہ مختلف این جی اوز کی نمائندہ خواتین بھی شریک تھیں۔شرکاء نے جشن آزادی کی اہمیت وافادیت بیان کرتے ہوئے وطن سے گہری محبت کا اظہار کیا۔انہوں نے کہا کہ ہمیں آزادی کی قدر کرنی چاہیے اور متحد ہوکر ملک کی ترقی کے لئے اپنا کردار ادا کرنا ہوگا۔اس موقع پر مختلف بچوں نے ملی نغمے بھی پیش کئے جبکہ وطن کی ترقی وخوشحالی اور امن وسلامتی کی دعابھی کی گئی۔