رمضان میں بجلی کی بلا تعطل سپلائی کیلئے سپیشل مانیٹرنگ سیل قائم

فیصل آباد( حمزہ اکرم)رمضان المبارک میں بجلی کی بلا تعطل سپلائی یقینی بنانے کیلئے فیسکو ہیڈکوارٹرز میں سپیشل مانیٹرنگ سیل قائم کردیا گیاجبکہ پانچوں آپریشن سرکلز اور سب ڈویثزنوں میں 140 ہنگامی شکایات مراکز صارفین کے مسائل کے فوری ازالہ کیلئے مکمل طور پرفعال ہیں۔ سب ڈویژن اور ڈویژن کی سطح پر کسی بھی ہنگامی صورتحال سے نمٹنے کیلئے خصوصی ٹیمیں تشکیل دی گئی ہیں جو24گھنٹے الرٹ ہوں گی۔صارفین کو سحر،افطار اور تروایح کے اوقات سمیت ہمہ وقت بجلی کی بلا تعطل سپلائی فراہم کی جائے گی تاکہ وہ اپنی مذہبی عبادات مکمل خشوع و خضوع کے ساتھ اداکرسکیں۔فیسکو ہیڈکوارٹرز میں قائم مرکزی مانیٹرنگ سیل کی نگرانی چیف ایگزیکٹو فیسکو انجینئربشیراحمد خودکریں گے۔ چیف ایگزیکٹو فیسکو انجینئربشیراحمد نے رمضان المبارک میں صارفین کیلئے کئے گئے اقدامات کا جائزہ لینے کیلئے ڈسٹری بیوشن کنٹرول سنٹر فیسکو کا دورہ کیا اور تمام قدامات کا جائزہ لیا۔اس موقع پر ان کا کہنا تھا کہ رمضان المبارک جیسے مقدس مہینے میں صارفین کو ریلیف پہنچانے کے لیے ہر ممکن اقدامات کیے جا رہے ہیں فیسکو ریجن میں سحر، افطاراورتراویح کے اوقات سمیت کوئی لوڈمینجمنٹ نہیں کی جائے گی۔فیسکو ریجن میں مینٹی نینس کیلئے جاری شٹ ڈاؤن کے شیڈول بھی منسوخ کردئیے گئے ہیں تاکہ صارفین کو بجلی کی بندش کا سامنا نہ کرنا پڑے۔ صارفین کی شکایات کے فوری ازالے کیلئے ٹرانسفارمر جلنے کی صورت میں ایمرجنسی ٹرالی ٹرانسفارمرزمہیا کئے گئے ہیں۔ چیف ایگزیکٹو نے مزید کہا کہ رمضان المبارک میں سحری و افطاری اور نماز تراویح کے دوران عام گھریلو صارفین کو بجلی کی بلا تعطل فراہمی یقینی بنانے کے لیے کوئی کسر نہیں چھوڑی جائے۔انھوں نے مزیدکہا کہ صارفین کی انفرادی شکایات کو بھی فی الفور حل کیا جائے گا۔ انہوں نے فیسکوسٹاف کو ہدایت کی ہے کہ وہ صارفین سے انتہائی خوش خلقی کے ساتھ پیش آئیں اورخدمت کے جذبے کے تحت ان کے مسائل کے فوری ازالے کیلئے ”فیسکو لائیٹ”موبائل ایپ کے ذریعے صارفین اپنی شکایات کے اندراج کے ساتھ ساتھ بجلی بندش کی معلومات،بل درستگی،ڈپلیکیٹ بل،سابقہ مہینوں کی بلنگ معلومات اور نئے کنکشن سمیت دیگر خدمات اپنے اینڈرائیڈ فون کے ذریعیحاصل کرسکتے ہیں۔علاوہ ازیں صارفین فیسکو ہیڈکوارٹر میں قائم مرکزی کمپلینٹ سنٹرکے نمبر041-9220618، ٹول فری نمبر080066554یا ہیلپ لائن 118،اور فیس بک پیج https://www.facebook.com/FESCOOFFICIAL/پربھی اپنی شکایت درج کرواسکتے ہیں۔جس پر فیسکو اہلکاران کی شکایت کے بروقت ازالے کیلئے فوری اقدامات کریں گے جبکہ شکایت کے جلد حل میں رکاوٹ کی صورت میں صارفین کو متعلقہ سینئر افسران سے رابطہ کی سہولت بھی فراہم کی گئی ہے تاکہ صارفین کوبہتر سے بہتر سہولیات کی فراہمی کی جاسکے اور ان کے مسائل کابروقت اور تسلی بخش ازالہ یقینی بنایا جاسکے۔